Запознавање со оновните на демографската и социодемографската анализа на населението. Стекнато знаења за основните демографски стурктури и феномени. Анализа на населението, неговата структура и процеси во контекст на општеството.

Содржина на предметната програма:

Вовед во демографијата (предмет на демографија, аналитички системи на социјалната демографија, население и неговото значење); Извори на податоци. Теории за населението. Структура на населението. Демографски феномени – фертилитет, морталитет и миграции. Брак, домаќинство и семејство. Репродуктивното здравје. Политики за населението. Демографското движење и природниот прираст на населението. Дистрибуцијата на населението (просторната демографија) во Европа и светот.

Литература:

1. Јовановиќ, А., Социјална демографија – прирачник, Филозофски факултет, 2005

2. Wertheimer- Baletić, A., Stanovništvo i razvoj, Mate, Zagreb, 1999

3. Haupt, A., Kane, T. T., Population Handbook, 4th ed., 2012

4. Hollingsworth T. H., Historical demography, Cambridge University Press

5. Интерна скрипта и презентации од предавања

6. Weeks R. J., Population. An Introduction to Concepts and Issues, Belmont: Thomson Wadsworth, 2008

Курсот/ предметот се нуди на втор циклус/последипломски студии и се осврнува на: концептуалните и теоретските основи на социјалната држава; пристапите и придонесот на различните општествени науки кон развивање на истражувањата за социјалната држава; методолошки пристапи во истражувањата и анализите на социјалната држава; парадигми на социјалната држава: експанзија, намалување (retrenchment), социјално инвестирање, кризи и шокови (и фискална консолидација); емпириски сознанија за историските и поновите трендови и предизвици во различните модели на социјална држава (нордиски, либерален, континентално-европски, јужно-европски и централно-источно европски модел); социјални издатоци, финансирање на социјалната држава и макро-економски исходи од социјалната држава; одржливост и иднина на социјалните држави. 

Предметот „Средновековна и ренесансна филозофија“ се фокусира на презентирање и анализирање на главните филозофски идеи и проблеми во историјата на западноевропската средновековна и ренесансна филозофија, почнувајќи од гностицизмот, христијанските апологети, патристиката, схоластиката и ренесансната филозофија. Преку историско-филозофската ретроспектива на мисловната атмосфера од II до XVI век, фокусот ќе биде ставен на проблемите кои ги интересираат средновековните и ренесансните мислители, имено релацијата помеѓу верата и разумот, прашањето за Бог, доказите за постоењето на Бог, проблемот на универзалиите, проблемот на слободната волја и злото, човечката среќа и доблеста, науката и уметноста, итн.

Предметот се фокусира на теми кои даваат продлабочен увид во формите на социјална политика кои се креираат на глобално ниво, низ теоретската парадигма на Диконовите “три Р“: редистрибуција, регулација, права/rights (Deacon, 2007). Овие форми на глобална социјална политика се анализираат низ призмата на нивната примена од страна на меѓународните владини организации, како: Светска Банка, Меѓународен Монетарен Фонд, Совет на Европа, Организација за економска соработка и развој, и Меѓународната организација на трудот. Домените низ кои се анализираат овие глобални форми и актери во социјалната политика вклучуваат: пазар на труд, социјално осигурување, социјална заштита, образование и здравство.

Цели на предметната програма:

Стекнување на знаења за основните методи на читање и пишување. Стекнување на знаења за идентификација на дислексијата, дисграфијата, дискалкулијата и диспраксијата. Стекнување на знаења за рана интервенција на ученици со тешкотии во учењето. Стекнување на знаења за рехабилитациони методи, техники за работа и развој на инклузивен курикулум за ученици со дислексија, дисграфија, дискалкулија и диспраксија.

Содржина на предметната програма:

Читање. Фази во усвојување на читањето. Видови читање. Модели на читање. Фонолошка свесност. Норми за читање. Дислексија. Невролошки аспекти и теории за настанувањето на дислексијата. Митови за дислексија. Дефинирање на дислексијата. Причини за појава на дислексија. Знаци и симптоми на дислексија. Карактеристики на читањето со дислексија. Проблеми во учењето кои може да влијаат врз читањето. Видови дислексија. Стратегии за работа со ученици со дислексија. Пишување. Видови пишување. Вештини потребни за да се совлада пишувањето. Зошто учениците избегнуваат пишување. Дисграфија. Невролошка основа на дисграфија. Причини за појава на дисграфија. Клиничка слика на дисграфија. Видови дисграфии. Грешки во пишуваните текстови кај дисграфичните ученици. Стратегии за работа со деца со дисграфија. Дискалкулија. Симптоми на дискалкулија. Причини за појава на дискалкулија. Видови на дискалкулија. Стратегии за работа со деца со дискалкулија. Диспраксија. Симптоми на диспраксија. Стратегии за работа со деца со диспраксија. Алтернативни интервенции

Литература:

1. Каровска Ристовска А., Кардалеска Љ., Ајдински Г., Специфични тешкотии во учењето (дислексија, дисграфија, дискалкулија и диспраксија), Филозофски факултет, 2016

2. Davis, R. D., Braun, E. M., The gift of dyslexia. The Berkley Publishing group, 1994

3. Reid, G., Dyslexia, Continuum, 2011

4. Vladisavljević, S., Disleksija i disgrafija. Zavod za udžbenike i nastavna sredstva, 1991

5. Бракус, Р., Развојне дислексије и дисграфије. Београд: Задужбина Андрејевић, 2003

6. Henderson, A., Dyslexia, Dyscalculia and Mathematics: A practical guide, Routledge 2012

7. Portwood, M. N., Developmental dyspraxia identification and intervention: A manual for parents and professionals, David Fulton Publishing, 1999

Запознавање со концептот социјална нееднаквост и терминолошко разграничување со срoдните концепти: сиромаштија, социјална исклученост, материјална депривација. Запознавање со начините на мерење и анализа на социјалните нееднаквости, нивно согледување низ призма на: пазарот на труд, социјалната заштита, образованието, здравството, како и мапирање на нееднаквостите во овие домени по основ на род, етницитет, попреченост и сл. 

Цели на предметната програма:

Да ги запознае студентите со позначајните филозофски ставови и теории на филозофијата на умот.

Содржина на предметната програма:

Филозофскиот и научниот пристап за постоење надушата. Тело, душа, дух и ум. Античката филозофија за постоење на душата (Платон, Аристотел, Плотин). Средновековните мислители за односот душа-тело (Тома Аквински и Свети Августин). Cogito ergo sum – филозофски мит или стварност. Дали се умот и телото различни ентитети? Теоријата на Франц Брентано (интенционалност). Логичкиот бихејвиоризам на Гилберт Рајл. Теоријата за идентитет (Хилари Патнам и Џери Фодор). Функционализам (Давид М. Армстронг). Современата наука и интеракцијата дух (ум)-тело. Умот и свесното искуство. Денетовата (Даниел Денет) теорија за свеста. Во потрага по корелатите на свеста (Дејвид Чалмерс). Филозофијата и вештачката интелигенција.

Цели на предметната програма: Стекнување продлабочени сознанија за спецификите на системите на социјална сигурност, нивната институционална поставеност, како и влијанието на видот на финансирање врз принципите и опфатот на социјалната сигурност. Фокусот на предметот е врз концептите за социјалната сигурност, наспроти фактите кои се постојано променливи. Во таа насока, предметот стреми да им понуди на студентите низа на концептуални пристапи и алатки преку кои може да ги дефинираат и анализираат системите на социјална сигурност. 

Содржина на предметната програма: Поим и значење на социјалната сигурност, Концептуални разлики меѓу социјалната сигурност и социјалната заштита; Приниципи и цели на социјалната сигурност; Финансирање на социјалната сигурност; Индикатори за мерење на ефективноста на системите на социјална сигурност; Системи на социјално осигурување во одделни земји; Концептуална поставеност на пензиското и инвалидското осигурување; Концептуална поставеност на здравственото осигурување; Концептуална поставеност на осигурувањето во случај на невработеност; Концептуална поставеност на осигурувањето за долгорочна нега; Одржливост на системите на социјалната сигурност

Цели на предметната програма (компетенции):

Содржина на предметната програма:

Цели на предметната програма:

Да се стекнат знаења за децата со оштетен слух, процесите на слушање и губитокот на слухот, нивната едукација во предучилишниот период, рехабилитацијата и третманот. Новини во раната детекција, раната интервенција и инклузивните процеси на децата со оштетен слух на предучилишна возраст.

Содржина на предметната програма:

Аудио-вестибуларен систем; Невролошка основа на слушањето; Слушање и губиток на слухот кај новороденчиња и деца; Дефинирање на глувоста и наглувоста, Раната интервенција на децата со оштетен слух; Дијагностицирање на оштетувањето на слухот; Кохлеарна имлантација; Историјат на образованието на лицата со оштетен слух; Планирање на предучилишната воспитно- образовна работа на децата со оштетен слух; Методи и форми на предучилишната воспитно- образовна работа на децата со оштетен слух; Сурдодидактика; Сурдодидактички принципи, методи и форми на работа; Сурдодидактички средства и помагала; Инклузивното образование на слушно оштетените деца.

Литература:

1. Cole, E., Flexer, C., Children with Hearing Loss-Developing Listening and Talking: Birth to six, Plural Publishing Inc., 2016

2. Јачова, З., Каровска, А., Дете со кохлеарен имплант во рамките на инклузивната училница, Круг, Скопје, 2009

3. Савић, Љ., Ивановић, П., Сурдопедагодија, Дефектолошки факултет, Београд, 1994

4. Meadow-Orlans, K., Mertens, D., Lehrer, M., Parents and their deaf children – The early years. Gallaudet University Press, 2003

5. Rhoades, E., Duncan, J., Auditory-verbal practice: Family centered early intervention, Charles Thomas, 2017

Целта на овој предмет е студентите подетално да се запознаат со историјата на стара Грција и Рим, како и со основните особености на т.н. грчко-римска или класична цивилизација, чии вредности се вградени во темелите на современиот западен свет. Преку согледување на основните законитости и процеси кои за прв пат се јавиле во античко време, студентите подобро ќе ги разберат процесите кои траат и денес, а понекогаш се нивно продолжение; освен тоа, тие ќе добијат увид во светогледот и во културните достигања на античкиот свет, чии определници се темел на денешното граѓанско образование.

Предметот го опфаќа периодот од протоисторијата и првата индоевропска миграција на јужниот Балкан, до убиството на Гај Јулиј Кајсар. По обработувањето на проблематиката на Критско-микенската цивилизација, се минува на обработување на историјата на Хелените, главно во копнена Хелада и во Егејскиот басен, а само по потреба и пошироко во Средоземјето. Хеленската историја се следи сѐ до потпаѓањето на копнена Хелада под македонска власт, со што завршува самостојната политичка историја на хеленските полиси.

Вториот дел од предметот е посветен на историјата на Италија, особено на Римската република. Откако ќе се разгледа протоисторијата на апенинскиот полуостров и цивилизацијата на Етрурците, се минува на историјата на римската држава, чиј развоен пат се следи од времето кога претставува мало кралство во Латиј, преку Латинските, Самнитските и Пунските војни, излегувањето на Рим на политичката сцена на Средоземјето, ширењето кон исток и кон запад и неговиот развој до најголема воено-политичка сила во античко време. Предметот завршува со убиството на Гај Јулиј Кајсар; понатамошните настани се обработуваат во изборниот предмет Историја на Римската империја.